Í hverju felst aðalskoðun leiksvæða?

Ef þú ert rekstraraðili leiksvæða ber þér að sjá til þess að skipulögð leiksvæði séu skoðuð árlega samkvæmt kröfum um aðalskoðanir leiksvæða.

Aðalskoðun leiksvæða er ástandsskoðun í samræmi við reglugerð þar sem gerð er heildarúttekt á öryggi leikvallatækja, yfirborðsefna, undirstöðu þess og umhverfis á leiksvæðinu öllu.

Reglugerð 1025/2022 um öryggi leikvallatækja og leiksvæða og eftirlit með þeim gildir fyrir öll leiksvæði innan dyra sem utan, skipulögð fyrir leik barna svo sem leikskólalóðir, grunnskólalóðir, gæsluvelli, opin leiksvæði, lóðir fjölbýlishúsa og svæði þar sem börn eiga greiðan aðgang að.

Markmið aðalskoðunar er að stuðla að öryggi barna og annarra með því að tryggja að leikvallatæki og leiksvæði séu hönnuð, frágengin og þeim viðhaldið á öruggan og viðurkenndan hátt.