Tveggja daga námskeið sem undirbýr þátttakendur fyrir þróun og innleiðingu umhverfisstjórnunarkerfis á sínum vinnustað. Þátttakendur munu í lok námskeiðs geta gert áætlanir sem uppfylla kröfur alþjóðastaðla. Þar með getur fyrirtækið/stofnunin skráð formlega aðgerðaráætlun sína samkvæmt ISO 14001 og/eða EMAS.

Uppbygging námskeiðsins

Dagskrá námskeiðsins byggir á samþættingu fræðilegrar umfjöllunar um umhverfisstjórnun og hagnýtra dæma auk æfinga (case study) þar sem þátttakendur fá tækifæri til að spreyta sig á raunverulegum tilvikum á innleiðingu umhverfisstjórnunarkerfis.

Námskeiðið er fyrir starfsmenn, stjórnendur og fleiri innan skipulagsheilda sem eru að innleiða eða vinna eftir gæðastjórnunarkerfum. Fyrir þá sem vilja bæta við sig sérfræðiþekkingu og skilning á innleiðingarferli ISO 14001.

• Stjórnendur sem bera ábyrgð á umhverfi, gæðum, heilsu og öryggi
• Starfsfólk með grunnþekkingu á stjórnunarkerfisstöðlum
• Fyrir þá sem vilja sérfræðiþekkingu og skilning á innleiðingarferli ISO 14001
• Þá aðila sem vilja bæta árangur og verklag
• Stjórnendur/verkefnastjórar sem eru ábyrgir fyrir þróun og stjórnun breytinga
• Að auki er námskeiðið kjörið fyrir alla starfsmenn fyrirtækja sem taka þátt í uppbyggingu og innleiðingu umhverfisstjórnunarkerfis

Lengd námskeiðs: 2 dagar, kennt frá 9.00 – 16.00
Námskeiðsgögn eru á ensku
Leiðbeinandi: Sérfræðingur frá BSI á Íslandi
Hámarksfjöldi þátttakenda: 12 manns

Verð: 168.000 kr.
– innifalið: kaffi, meðlæti og hádegismatur ásamt námsskeiðsgögnum.

Viðskiptavinir BSI eru með 10% afslátt af námskeiðum.
20% afsláttur er veittur af öðrum þátttakanda ef þátttakendur eru fleiri en einn frá sama fyrirtæki/stofnun.

Þátttakendur fá skírteini frá BSI að námskeiði loknu.

Allar nánari upplýsingar eru veittar á skrifstofu okkar í síma 414 4444 eða sendið tölvupóst á namskeid@bsiaislandi.is