Löggilding voga og samræmismat
BSI á Íslandi löggildir sjálfvirkar og ósjálfvirkar vogir
BSI á Íslandi getur boðið löggildingu á öllum sjálfvirkum vogum og ósjálfvirkar vogum upp í 3.000 kg hámarksgetu í umboði HMS.
Samkvæmt lögum og reglugerðum er skylt að löggilda vogir sem vara er seld eftir.
Með því að löggilda mælitæki í rekstri er verið að vernda neytendur og skapa með því traust í viðskiptum
Til þess að sjá hvort að mælitæki sé löggilt er hægt að athuga hvort það sé löggildingamiði á þeim. Miðinn er gataður í gegnum ártal og númeri sem táknar mánuðinn til að sýna lok löggildingatímabils. Það þýðir að göt í gegnum 8 og 2024 þýða að tímabilið rennur út í lok ágúst 2024.
Hvaða mælitæki eru löggildingaskyld?
Búðarvogir, sjálfsafgreiðsluvog, fiskvinnsluvogir, kjötvinnsluvogir, hafnarvogir, rennslimælar, dælur, raforkumælar, vatnsmælar o.fl
Löggildingar eru framkvæmdar í samræmi við reglugerðir:
Samræmismat – Nýjar vogir
Við bjóðum jafnframt upp á samræmismat fyrir allar nýjar vogir í samstarfi við NMi CERTIN sem er tilnefndur aðili (Notified Body) af Evrópusambandinu, númer 0122.
Samræmismat felst í ítarlegri prófun á vog sem aðeins tilnefndir aðilar mega framkvæma.
Með samstarfi NMi CERTIN getum við hjálpað aðilum að markaðssetja vogir í Evrópu með því að framkvæma samræmismat samkvæmt kröfum reglugerðar. Samræmismatið sýnir fram á það hvort grunnkröfur tilskipana 2014/31/ESB og 2014/32/ESB hafi verið uppfylltar.
Umsókn finnur þú hér:
Trúnaður
Fyllsta trúnaðar er gætt að hálfu BSI á Íslandi um þau gögn sem unnið er með hverju sinni.
Einhverjar spurningar?
Hafir þú einhverjar spurningar þá hikar þú ekki við að hafa samband við okkur í síma 414 4444 eða sendir okkur póst á info@bsiaislandi.is.
Starfsleyfi
Húsnæðis- og mannvirkjastofnun hefur veitt BSI á Íslandi ehf. bráðabirgðaumboð til að sinna löggildingu á ósjálfvirkum vogum með 3.000 kg hámarksvigtunargetu þar til faggilding liggur fyrir.
Einnig hefur Húsnæðis- og mannvirkjastofnun veitt BSI á Íslandi ehf. heimild á grunni fyrirliggjandi gagna til bráðabirgar að sinna löggildingu á vatns- og varmaorkumælum skv. reglugerð nr. 1062/2008 og 561/2012 og löggildingum á mælikerfum f yrir eldsneytisskammtarar, tankbifreiðar og mjólk skv. reglugerð nr. 1062/2008. Bráðabirgðarumboðið gildir þar til BSI á Íslandi ehf. hefur hlotið faggildingu.
Þjónustuver og netspjall
Við tökum vel á móti öllum spurningum og ábendingum til þess að geta bætt þjónustu okkar. Svo er líka alltaf gaman að fá hrós.
Þjónustuver og netspjallið er opið mán-fim: 8:30-16 og fös: 8:30-15
Ekki hika við að hafa samband, hlökkum til að heyra frá þér!
