ISO 22000 - Stjórnkerfi fyrir matvælaöryggi

Stjórnkerfi fyrir matvælaöryggi Food Safety Management Systems

Matvælastaðlar og vottuð stjórnkerfi auðvelda viðskipti á alþjóðlegum mörkuðum, skapa traust og stuðla að matvælaöryggi neytendum og viðkomandi matvælafyrirtækjum til góðs. ISO 22000 og FSSC 22000 eru stjórnkerfisstaðlar sem eru velþekktir og útbreiddir meðal fyrirtækja í allri aðfangakeðju matvæla frá frumframleiðlsu til loka afurða, heildsölu, flutninga og smásölu, fóðurframleiðslu og gæludýrafóðurs, pökkunarefna og áhalda sem komast í snertingu við matvæli ásamt starfsemi stóreldhúsa og veitingastaða. Með merkingum á lokaafurð og upplýsingagjöf til neytenda, má segja að matvælastaðlarnir nái inn í eldhús neytenda. Slagorðið “Frá hafi/haga til maga” lýsir umfangi þeirra á hnitmiðaðan hátt.

ISO 22000 og FSSC 22000 tengjast með þeim hætti að til að fá vottað FSSC 22000 stjórnkerfi þarf viðkomandi fyrirtæki að uppfylla kröfur ISO 22000 stjórnkerfisstaðalsins og þar að auki að taka tillit til og innleiða kröfur annarra matvælastaðla eins og t.d. BRC. FSSC 22000 hefur breiðari skýrskotun í aþjóðlegum viðskiptum með matvæli en ISO 22000 en þessir staðlar eru byggðir upp á sama hátt.

Greiðsluskilmálar námskeiða

Við skráningu á námskeið samþykkir umsækjandi greiðslu á námskeiðsgjaldi.

Námskeiðsgjöld eru að jafnaði innheimt viku fyrir námskeið. Greiðsluseðill birtist í heimabanka/fyrirtækjabanka.

Afskráning á námskeið þarf að berast með lágmarki viku fyrirvara annars eru námskeiðsgjöld innheimt.

BSI á Íslandi áskilur sér rétt til þess að fella niður eða fresta námskeiðum ef ekki næst nægur þátttakendafjöldi.

Ef þú hefur einhverjar spurningar vegna greiðsluskilmála eða námskeiða almennt getur þú sent okkur póst á namskeid@bsiaislandi.is eða haft samband við skrifstofu okkar í síma 414 4444.