CE merkingar
Uppfyllir varan tilteknar kröfur fyrir markað ?
Skoðun gagna – CE merkingar
BSI á Íslandi er umboðsaðili BSI Group (British Standards Institution). Sem tilkynntur aðili getur BSI boðið upp á víðtæka þjónustu sem snýr að CE merkingum sem gerir fyrirtækjum kleift að standast kröfur samræmismats og merkja vörur sínar CE merkinu.
Sérfræðingar BSI þekkja hvað þarf til að standast kröfur á hvaða markaði sem er, hvar sem er í heiminum og aðstoðar fyrirtæki inn á nýja markaði, hámarka möguleika á núverandi markaði og við áhættumat.
Stafirnir CE standa fyrir (Conformité Européenne) CE-merking getur verið skilyrði fyrir markaðssetningu vara á Evrópska efnahagssvæðinu. Merkið gefur til kynna að framleiðandi, innflytjandi eða dreifingaraðili geti ábyrgst að hún uppfylli grunnkröfur um öryggi og almennt heilbrigði sem tilskipanir Evrópusambandsins kveða á um. Þess er krafist fyrir vörur sem framleiddar eru víðsvegar í heiminum og er síðan markaðssettar í ESB.
Þær vörur sem falla undir reglugerðir eða tilskipanir Evrópusambandsins verða að bera CE-merki. Dæmi um vöruflokka sem heyra undir nýaðferðartilskipanir eru til dæmis leikföng, vélar, raftæki, byggingarvörur, persónuhlífar og notendabúnaður fjarskiptakerfa og síma.
Hvenær er CE merking skylda?
CE merking er aðeins skylda fyrir vörur sem ESB forskriftir eru fyrir og krefjast þess að CE merking sé sett á. Sumar vörur eru háðar nokkrum kröfum ESB á sama tíma. Gæta verður þess að varan sem seld er uppfylli allar viðeigandi kröfur áður en hún er CE-merkt. Bannað er að setja CE-merkið á vörur ef ESB forskrift er ekki til staðar og krefst ekki CE-merkingar.
Þarftu sjálfstætt mat áður en þú getur CE merkt vöruna?
Þú þarft að ganga úr skugga um hvort að varan þín þurfi að vera prófuð af tilkynntum aðila. Þú getur fundið þessar upplýsingar í viðeigandi tilskipunum, stöðlum og reglugerðum sem gilda um vöruna þína. Ef þú þarft staðfestingu frá tilkynntum aðila verður CE-merkingunni að fylgja kenninúmer tilkynnta aðilans. Hægt er að festa CE-merkið og kenninúmerið sérstaklega, svo framarlega sem þau virðast greinilega tengd hvort öðru.
Forsteyptar einingar
Vottað framleiðsluferli
Nú þegar er til samhæfðir evrópskir staðlar fyrir byggingarvörur þar sem krafa er gerð um að CE-merkja vörurnar áður en þær eru settar á markað. CE-merking og yfirlýsing um nothæfi vöru er skylda innan ESB og jafnframt Íslands.
Samkvæmt lögum um byggingavörur nr. 114/2014 og byggingareglugerð nr. 112/2012 er skylt að fara eftir stöðlum taldir upp hér til hliðar fyrir framleiðslu á forsteyptum einingum ef þær eru ætlaðar til notkunar í eða við mannvirkjagerð.
Í samhæfðum stöðlum er fyrir fram ákveðið hvaða aðferðum skuli beitt við prófun vörunnar og hvernig hún skuli vera merkt. Allir framleiðendur, innflutningsaðilar og dreifingaraðilar eiga að tryggja að vara sem sett er á markað uppfylli kröfur samhæfðs staðals. Uppfylli vara ekki formleg skilyrði eða það fylgir ekki yfirlýsing um nothæfi er byggingarvaran ólögleg á markaði.
Samhæfður staðall gerir kröfu um ytra eftirlit með CE-merktri byggingarvöru, og ber framleiðanda að leita til tilkynnts aðila (notified body) eins og BSI Group NL (NB 2797) sem er tilkynntur aðili og viðurkenndur ytri eftirlitsaðili með framleiðslu á forsteyptum einingum.
Samhæfðir staðla fyrir forsteyptar einingar:
- ÍST EN 1168:2005+A3:2011 Forsteyptar steinsteypuvörur – Holplötur
- ÍST EN 12737:2004+A1:2007 Forsteyptar steinsteypuvörur – Rimlagólf fyrir búfé
- ÍST EN 12794:2005 Forsteyptar steinsteypuvörur – Grundunarstaurar
- ÍST EN 12843:2004 Forsteyptar steinsteypuvörur – Möstur og staurar
- ÍST EN 13224:2011 Forsteyptar steinsteypuvörur – Rifjaplötur
- ÍST EN 13225:2013 Forsteyptar steinsteypuvörur – Bita- og súlueiningar í byggingar
- ÍST EN 13693:2004+A1:2009 Forsteyptar steinsteypuvörur – Sérstakar þakeiningar
- ÍST EN 13747:2005+A2:2010 Forsteyptar steinsteypuvörur – Forsteyptar gólfaplötur
- ÍST EN 13978-1:2005 Forsteyptar steinsteypuvörur – Forsteyptir bílskúrar – 1. hluti
- ÍST EN 14843:2007 Forsteyptar steinsteypuvörur – Stigar
- ÍST EN 14844:2006+A2:2011 Forsteyptar steinsteypuvörur – Holkassar
- ÍST EN 14991:2007 Forsteyptar steinsteypuvörur – Undirstöðueiningar
- ÍST EN 14992:2007+A1:2012 Forsteyptar steinsteypuvörur – Veggeiningar
- ÍST EN 15037-1:2008 Forsteyptar steinsteypuvörur – Bitagólf með þvereiningum – Hluti 1: Bitar
- ÍST EN 15037-2:2009+A1:2011 Forsteyptar steinsteypuvörur – Bitagólf með þvereiningum – Hluti 2: Þvereiningar úr steinsteypu
- ÍST EN 15037-3:2009+A1:2011 Forsteyptar steinsteypuvörur – Bitagólf með þvereiningum – Hluti 3: Þvereiningar úr leir
- ÍST EN 15037-4: 2010+A1:2013 Forsteyptar steinsteypuvörur – Bitagólf með þvereiningum – Hluti 4: Þvereiningar úr þöndu pólýstýreni
- ÍST EN 15037-5:2013 Forsteyptar steinsteypuvörur – Bitagólf með þvereiningum – Hluti 5: Léttar þvereiningar fyrir einföld mótakerfi
- ÍST EN 1520:2011 Forsteyptar bentar einingar með opnum léttum fylliefnum
- ÍST EN 15050:2007+A1:2012 Forsteyptar steinsteypuvörur – Brúarefni
- ÍST EN 15258:2008 Forsteyptar steinsteypuvörur -Stoðveggeiningar
- ÍST EN 15435:2008 Forsteyptar steinsteypuvörur – Steypumótablokkir úr venjulegri og léttri steinsteypu – Vörueiginleikar og nothæfi
- ÍST EN 15498:2008 Forsteyptar steinsteypuvörur – Steypumótablokkir úr spónasteypu – Vörueiginleikar og nothæfi
Umsóknarferlið
Einfalt ferli við CE – merkingar hjá BSI
Að uppfylla kröfur getur verið flókið ferli og virðist oft erfitt í framkvæmd. Kröfur CE merkingar eru misjafnar á milli tilskipanna/reglugerða. Sérfræðingar okkar þekkja þessar kröfur og geta hjálpað þér í gegnum ferlið, skref fyrir skref. Allt frá því að greina viðeigandi tilskipun/reglugerð til þess að skila inn réttri umsókn um CE merkingu fyrir þína vöru.
Túnaður
Fyllsta trúnaðar er gætt að hálfu BSI á Íslandi um þau gögn sem unnið er með hverju sinni.
Einhverjar spurningar?
Hafir þú einhverjar spurningar þá hikar þú ekki við að hafa samband við okkur í síma 414 4444 eða sendir okkur póst á info@bsiaislandi.is.
Þjónustuver og netspjall
Við tökum vel á móti öllum spurningum og ábendingum til þess að geta bætt þjónustu okkar. Svo er líka alltaf gaman að fá hrós.
Þjónustuver og netspjallið er opið mán-fim: 8:30-16 og fös: 8:30-15
Ekki hika við að hafa samband, hlökkum til að heyra frá þér!